Call for papers

2022-04-27

The editors of Річник Руской Бурсы/Rocznik Ruskiej Budy invite authors to make submissions for the 18th issue of the journal for the year 2022:

The Other/Foreign/Familiar in the Lemko/Ruthenian Discourse

The current issue is devoted to the questions of understanding, imagining, representing, attitudes, and relations as present in Łemkowyna and other Ruthenian regions in the context of foreign/familiar. Foreign/familiar is a fundamental dimension of organizing human orientation in the world in relation to one’s own center and defining ‘I = familiar’ through the difference embodied in ‘other = foreign.’ This anthropological principle is at the heart of both individual and communal identity. Therefore, each community, each culture may benefit greatly from a scientific reflection on who and what is considered familiar and foreign. It is essential to learn the content, emotions, assessments, and values of these structurally opposed, but closely interrelated categories. Does—and to what extent—this opposition manifest in the cultures’ content or is it rather replaced there by dynamic relations and overlapping of these cultures?

The categories of familiar/foreign are deeply rooted in cultural discourses of communities and can be examined:

  • In literary texts and written expressions of all kinds. Submitted papers may analyze the birth and solidification of ethnic stereotypes as well as their deconstruction or a dialogue with them. They may show spatial borders and textual delimiting and crossing of borders; recreate the existing image of cultural diversity or spatial uniformity; trace emotions: anxiety, love, fascination, bonding, curiosity in relation to the familiar and the foreign; strive to discern and define functionally the categories and figures connected with the familiar and the foreign; compare representations of different ethnic groups, their connection with the Lemko ethnos and space; deconstruct literary texts in view of inscribed foreign and familiar dominations.
  • In statements gathered during field studies to be analyzed/interpreted along anthropological, sociological or ethnological lines. The submissions may pose questions and seek answers concerning identity, community-building strategies, narrativization of foreignness. They may show an inclusive or exclusive perspective regarding individuals or groups, mythologizing and ideologizing one’s own people and strangers; present opinions about nativeness and expansion in regard to space; describe the use of symbolic capital in individual and group attitudes towards strangers.
  • In folklore and cultural texts, where authors may trace the persistence or evolution of judgements expressed mythically, ritualistically or symbolically. Songs, proverbs, tales/anecdotes and other folkloristic forms may be a place to perceive axiological boundaries between the familiar and the foreign. Music, painting and architecture may be interpreted in light of symbolic boundaries or a negation thereof.
  • It may also be valuable to pursue historical aspects of the formation of ideas about the familiar/foreign. Papers written from a historical point of view may help to discover the origins of stereotypes and what underlies the relations between Lemkos and other ethnic groups. The historical approach may adopt various perspectives, with one of them being the prism of domination and submission.

The submissions are expected to be interdisciplinary papers that discuss the subject matter in its various aspects, make analyses and comparative interpretations, demonstrate changes or a continuity of given attitudes, and encourage discussion. We hope the suggested topic area will prove interesting to many authors.

 

Deadlines:

Please, notify us of the intention to contribute to the 2022 issue by submitting the topic and a short abstract of the intended paper by May 31, 2022. The finished papers, written in Lemko/Ruthenian, Polish or English in compliance with the editorial guidelines of Річник Руской Бурсы/Rocznik Ruskiej Budy (https://journals.akademicka.pl/rrb/about/submissions), are to be sent to rocznik.ruskiej.bursy@wp.pl by August 31, 2022.

 

For the editorial board of Річник Руской Бурсы/Rocznik Ruskiej Budy

Helena Duć-Fajfer


Редакция часопису «Річник Руской Бурсы» просит зголошати участ в томі 18 річника, за рік 2022

Інчый/ Чужый/ Свій в лемківскым/ русиньскым дускурсі

Ведучом темом тогорічного выданя «Річника Руской Бурсы» буде пониманя, уявляня, представляня, одношыня ся, реляциі, якы на Лемковині і в інчых русиньскых реґіонах  доконуют ся в аспекті своє/ чуже. Є то основный для чловечого думаня вымір орєнтациі в світі подля свойого центру і вызначаня себе = свойого през ріжницю, яку уосаблят інчый = чужый. Тот антрополоґічный принцип єст сутю достоменности так індивідуальной, як і спільнотовой. Прото для каждой спільноты, для каждой культуры барз значуча єст наукова рефлексия над тым хто і што для групы єст своє, а хто і што єст чуже. Важне єст познаня змісту, емоций, оціны, вартости тых  структурні опозицийных катеґорий, міцно спілзалежных єдна од другой. Ци і на кілько тота опозиция проявлят ся в змістах, ци може заступувана єст в них динамічныма реляциями і перениканьом ся культур. Катеґориі своє/ чуже сут глубоко присутны в культуровым дискурсі спільноты. Мож іх досліджати:

* В структурах, формах, знаках і значынях языка. Статі можут односити ся до ріжных аспектів языкового выражаня близкости і чужости в словах, окрислінях, описах. Слідити, якы назвы і названя хоснує ся до окрисляня своіх і чужых, якы придавникы і інчы части мовы сут з нима повязаны? Як язык адаптує або  вылучат чужоязычны елементы, як іх змінят, як они влияют на корінны формы? Якій харакактер мают назвы власны, топонімы, етнонімы, што мож повісти на основі іх етимолоґіі? 

* В літературных текстах, в шыроко понятым писменництві. Статі можут аналізувати творіня, утырваляня етнічных стереотыпів або іх деконструуваня, полемізуваня з нима. Можут вказувати просторовы границі, іх текстове вызначаня і перекрачаня. Одтворювати креуваный образ культуровой ріжнородности або єднородности простору. Слідити емоциі: страх, любов, фасцинацию, привязаня, цєкавіст ітп. в однесіню до чужого і до свойого.  Прібувати достеречы функціональне значыня катеґорий і фіґур повязаныцх зо своім і чужым. Порівнати представліня ріжных етнічных груп, іх повязаня з лемківскым етносом і простором. Деконструувати літературны тексты під оглядом вписаных в них чужых і своіх домінаций.

* В выповідях придбаных в рамах тереновых досліджынь і аналізуваных/ інтерпретуваных  антрополоґічныма, соціолоґічныма, етнолоґічныма методами. Тексты можут занимати ся одповідю на звіданя о достоменніст, о стратеґіі будуваня  спільноты, о нарратывізуваня чужости. Можут імати перспектыву асимілюваня або выключаня осіб і груп, мітызуваня, ідеолоґізуваня своіх і чужых. Приводити опініі о корінности і експансиі в однесіню до простору. Вказувати оперуваня символічным капіталом в індивідуальным і груповым одношыню ся до чужынців.

* В фольклорі і культуровых текстах, де мож слідити сталіст і еволюцию поглядів выражаных міфічні, рытуальні або символічні. В співанках, прислівях, байках-анеґдотах і інчых формах фолклору мож вказувати аксіолоґічны границі медже своім і чужым. В музыці, малярстві, архітектурі мож інтерпретувати символічны границі або іх неґацию.

* Вартат прослідити історичный аспект формуваня ся уявлінь о своім/ чужым. Писаны з історичной перспектывы статі дозволят видіти ґенезу стереотыпів, підґрунтя реляций медже Лемками а інчыма етнічныма групами. Можут односити ся до конфліктів або сппілпрацы Лемків/ Русинів з інчыма етносами. Історичне пізріня на тему можна уставляти з ріжных перспектыв. Єдна з прикладовых, то смотріня через чынник домінациі і підпорадкуваня.

Сподіваме ся статій інтердисциплінарных, дискутуючых наголовкову тему в ріжных аспектах, ведучых порівнальны аналізы і інтерпретациі, отвераючых дискусию, вказуючы зміны або тырваліст даных постав. Маме надію, жа для вельох авторів буде то інтересуюча тема.

 Просиме зголошати свою участ, подаючы тему статі і короткій єй плянуваный зміст, до 31.05.2022 р. Готовы статі в лемківскым/ русиньскым, польскым або анґлицкым языку, опрацуваны подля редакцийных принципів «Річника Руской Бурсы» (https://journals.akademicka.pl/rrb/about/submissions) просиме присылати на адрес rocznik.ruskiej.bursy@wp.pl до 31.08.2022 р.

Редакторка «Річника Руской Бурсы» 

Олена Дуць-Файфер